تجربتي الكاملة مع عملية القلب المفتوح ونصائحي للجميع | اطمأنو .

 

 

السلام عليكم و رحمة الله وبركاته انهارده هحكي قصتي كاملة ل عملية القلب المفتوح و ازاي تكون مستعد للعملية

و نصايح مهمة بواقع تجربتي عشان تعدي المرحلة دي على خير .

اولا من لا يشكر الناس لا يشكر الله انا حابب اوجه كل شكري للراجل المحترم الخلوق الدكتور ياسر النحاس استاذ جراحة القلب المفتوح و اللى له فضل كبير بعد ربنا عزوجل في اني أتجاوز  المرحلة الصعبة الخاصة بقبل عملية القلب المفتوح وبعدها .

العملية الخاصة بيا كانت عبارة عن جراحة قلب مفتوح , تغيير 3 شرايين بالقلب و هحكي بالظبط ايه اللى تم و تخلي بالك من ايه وتلتزم بايه بالمللى فركز في كل كلمة بتتكتب لانها ممكن تكون سبب في انها تنقذك من حاجه كنت هتقع فيها .

بعد ما تخلصو الموضوع  ده ممكن تستفيدو بتجارب تانيه لناس كتير جدا مشاركه نتايج عملية القلب المفتوح الخاصة بيها من هنا <<  تجارب مرضى عملية القلب المفتوح .

اول حاجه و اللى معظم الناس بتسأل عنها وخايفه منها .. هل عملية القلب المفتوح خطيرة ؟

 

اولا يا جماعه فيه عدة عوامل بتحدد نسبة خطورة عملية القلب المفتوح زي السن , الاشخاص اللى اكبر من 70 سنة نسبة خطورة العملية بتكون اكبر من الاقل طبعا .

و المخاطر بتزيد ايضا اذا كان عندك بعض الامراض المزمنة زي السكري و ارتفاع ضغط الدم .

و برده عملية القلب المفتوح بيكون ليها مخاطر اثناء العملية ولكن للامانه انا كنت متطمن تماما من الجزئية دي و لله الحمد و دى نسبة خطأها مع دكتور محترف زي دكتور ياسر تكاد تكون صفر ف الميه بدون مبالغة .

ممكن تقرا اكتر عن مخاطر عملية القلب المفتوح بالتفصيل الممل عن طريق الضغط هنا  <<  عملية القلب المفتوح .

 

امتى تبقا عارف انك محتاج تعمل عملية القلب المفتوح ؟

  • مرضي القلب بالاخص عارفين الشريان التاجي .. الشريان التاجي بيكون مسؤول عن تغذية عضلة القلب في حالة حدوث انسداد للشريان ده او تصلب نتيجة تراكم الدهون فانت لازم تجري عملية القلب المفتوح
  • في حالة زراعة القلب ايضا .
  • في حالة تركيب اجهزة لتنظيم ضربات القلب مثل منظم ضربات القلب .

 

ازاي تستعد و تجهز نفسك لعملية القلب المفتوح ؟

  • لازم وامر حتمي انك تخبر الدكتور بأي دواء انت بتاخده بالاضافة الى اى اعشاب او فيتامينات او مكملات الامر ده مش خيار أبدا. ده امر واجب .
  • طبعا انت لو عندك اي امراض اخري لازم تخبر الدكتور بسجل الامراض دى كلها .
  • لو انت بتدخن لازم توقف تدخين قبل العملية باسبوعين .
  • لازم قبل عملية القلب المفتوح باسبوعين توقف جميع انواع أدوية السيولة زى ال الأسبيرين والإيبوبروفين والنابروكسين .
  • المعلومة دى للناس اللى بتشرب كحوليات . لا بد قبل عملية القلب المفتوح انك تخبر الطبيب بتناولك للحاجات دي لان لازم يكون فيه تنسيق مع الدكتور انك تبطلها قبلها بفترة كافية والا فانت بتتسبب بنسبة كبيرة في فشل عملية القلب المفتوح .

ايه اللى بيحصل قبل عملية القلب المفتوح بيوم ؟

 

  • الدكتور اداني نوع صابون معين استخدمه و اغسل بيه نفسي مخصص لقتل البيكتريا و ده بيقلل من فرص العدوي بعد الجراحة .
  • ممنوع منعا باتا تاكل بعد منتصف الليل .

 

يوم عملية القلب المفتوح :

  • طبعا فيه بعض الاختبارات اللى بتتعمل قبل الجراحة و تحاليل بسيطة زي مراقبة نبص القلب للاطمئنان على الحالة .
  • من الطبيعي ان قبل التخدير الشخص بيكون قلقان جدا .. لو محتاج تسال اي سؤال مترددش لحظة واحدة .
  • قبل ما اخد البنج او المخدر خدت قرص دوائي حسسني بالخمول و ده عشان مكونش قلقان وانا بتخدر وبعد كده تمت عملية التخدير .

 

أثناء عملية القلب المفتوح :

 

  • العملية تم عملها بالمنظار من غير اى شق للعظم تماما و دى تقنية حديثة دكتور ياسر اول من ادخلها في مصر .
  • الجرح كان بعيد عن العظم وكان 6 سم على عكس الاخرين بيكون 15 سم و بيكون فيه شق للعظم .
  • بيتم استخدام ماكينة القلب الو الرئة الصناعية خلال الجراحة الماكينة دي بتنقل الدم عبر الانابيب من القلب الي الجسم .
  • مدة العملية بتتراوح من 3 ساعات الى 6 ساعات بالظبط .

 

اذا محتاج تعرف معلومات اكتر ازاي بتتم عملية القلب المفتوح من داخل غرفة العمليات اضغط هنا << جراحة القلب المفتوح

 

ماذا بعد عملية القلب المفتوح ؟

  • بعد الانتهاء من عملية القلب المفتوح تم نقلي الى العناية المركزة لمتابعة حالتي و اخدت من 8 ساعات لغاية ما فوقت من التخدير.
  • تم متابعة حالتي وبالاخص العلامات الحيوية باجهزة خاصة لحين استقرت حالتي تماما .
  • تم نقلي لغرفة داخل المستشفى لمدة 7 أيام و متابعة حالتي للتاكد من عدم حدوث اي مضاعفات لا قدر الله والحمد لله عدت على خير وخرجت .

 

كم المدة اللازمة لالتئام الجرح الخاص بعملية القلب المفتوح ؟

 

فترة التئام الجرح بتختلف من شخص لاخر بعد عملية القلب المفتوح ولكن خلينا نقول ان متوسطها من 3 ل 6 شهور .

 

ايه الاكل اللى التزم بيه بعد عملية القلب المفتوح ؟

 

طبعا اهم شئ انك تبعد عن الدهون في مرحلة الاكل بعد عملية الاكل المفتوح وتكتر من الخضار والفاكهة و ممكن تاكل مكسرات دي بتعزز جدا الجهاز المناعي .

 

طريقة النوم بعد عملية القلب المفتوح ؟

 

اسهل و ابسط طريقة للنوم بعد عملية القلب المفتوح انك تنام على ظهرك و يكون ورا ظهرك وساده او مخده زي ما بيقولو في مصر .

 

نصائح عامة هتفيدك بعد عملية القلب المفتوح :

 

  • بعد عملية القلب المفتوح بالاخص اتجنب انك تقوم بأي مجهود بدني .
  • اهم حاجه نضافة الجرح لازم الجرح علطول يكون نضيف وتغير باستمرار عليه .
  • لا تنام على بطنك و افتكر ان اصلا النوم على البطن مكروه من الاساس .
  • بلاش تدخين و بلاش كحوليات ده افضل ليك ولصحتك .

 

دي كانت تجربتي لعملية القلب المفتوح ارجو من الله ان يشفي جميع مرضي المسلمين و ان شاء الله جميع الامور تتم على خير وادام الله عليكم لباس الصحة والعافية .